horru.Uviéu/72-008

L’horru 01 pa Pozobal, en Siones.

Saliendo d’Uviéu, pola carretera N-634, ya diendo escontra Grau, ya en pasando per baxo l’autopista A-63, vamos alcontrar una rotonda ya dempués hai que salise escontra Les Caldes (pola carretera AS-322); ellí vamos aportar dempués de 2 quilómetros. Salimos de Les Caldes, pola carretera AS-322, ya dempués de 900 metros vamos alcontrar otra rotonda onde tenemos que garrar la salida pa la carretera OV-1 escontra Siones. Siguimos pola carretera OV-1 dos quilómetros ya ochocientos metros p’aportar a Pozobal; ellí, ya enantes d’una curva a la esquierda, hai un ramal a la manzorga qque métese pa la capiya qu’hai per baxo la carretera. A 50 metros, ente un garrapiellu cases, vamos atopar esti horru que ta esbarrumbando.

---

---

⇓ LLÍNEA de FECHOS ⇓

22.12.2025⇒ Comunicación del estáu del horru énte’l Serviciu Conservación del Patrimoniu.
22.12.2025⇒ Comunicación del estáu del horru énte l’Ayuntamientu d’Uviéu.
14.01.2026⇒ Escritu dende’l Serviciu Conservación del Patrimoniu qu’abren espediente.
16.01.2026⇒ Pitición d’accesu a información pública del espediente énte’l Serviciu Conservación del Patrimoniu.
02.02.2026⇒ Denegación d’accesu al espediente dende’l Serviciu Conservación del Patrimoniu.

---