horru.Illas/31-001
L’horru Fifi pa Peñocéu, en La Peral.
Foi con esti horru col que decidimos emprimar esti proyeutu (horru.online) de torgar l’esbarrumbe ya desaniciu d’estes edificiaciones, ayalgues del patrimoniu asturianu. Yera ochobre del añu 2021, cuando tando delantre l’horru, ya charrando con unos vecinos, entrugamos que cómo yera que taba asina. Ellos retrucaron que taba l’alcalde iguando l’asuntu colos permisos ya demás temes burocráticos, pos quería desmontalu, remocicalu ya treslladalu escontra La Caizuela. Sicasi, pasaba’l tiempu ya l’horru diba esbarrumbando pali que pali ya nun hebía noticies del Ayuntamientu, nin s’aseguraba, nin se perimetraba pa que nun cayera en riba naide. L’horru coñocíu como’l de Fifi (pola dueña), tinía una puerta del sieglu XVI qu’agora ta n’otra panera de la redolada. Pero, al final, l’horru esbarrumbó’l 04 de mayu del añu 2023, ya cuasi naide-y importó.
⇓ LLÍNIA de FECHOS ⇓
11.05.2023⇒ Comunicación énte l’Ayuntamientu d’Illas pol esbarrumbe.
18.05.2023⇒ Comunicación énte’l Serviciu Conservación de Patrimoniu pol esbarrumbe.
26.05.2023⇒ Escritu énte l’Ayuntamientu d’Illas pa que notifique la torga de construyir na parcela pol esbarrumbe del horru.
19.10.2023⇒ Solicitú énte l’Ayuntamientu d’Illas pa la retirada d’escombros ya la igua na redolada del horru.
11.06.2024⇒ Escritu énte l’Ayuntamientu d’Illas sobro la igua d’una casa dientro los 25 metros d’afeutación pol esbarrumbe del horru.
11.06.2024⇒ Escritu énte’l Serviciu Conservación del Patrimoniu pola igua d’una casa dientro los 25 metros d’afeutación pol esbarrumbe del horru.
10.09.2024⇒ Escritu del Ayuntamientu d’Illas refugando la solicitú por tar n’asturianu.
13.09.2024⇒ Rempuesta énte l’Ayuntamientu por refugar pitición d’información n’asturianu.
14.10.2024⇒ Escritu del Ayuntamientu d’Illas refugando les allegaciones la solicitú por tar n’asturianu.
15.10.2024⇒ Escritu dende’l Serviciu Patrimoniu qu’abren espediente.
17.10.2024⇒ Pitición d’accesu a información pública del espediente énte’l Serviciu Patrimoniu.
13.11.2024⇒ Nuevu escritu dende’l Serviciu Patrimoniu qu’abren espediente.
21.11.2024⇒ Nueva pitición d’accesu a información pública del espediente énte’l Serviciu Patrimoniu.
09.06.2025⇒ Tornamos pidir información al rodiu del horru énte’l Serviciu Conservación del Patrimoniu.
09.06.2025⇒ Tornamos pidir información al rodiu del horru énte l’Ayuntamientu d’Illas.
10.07.2025⇒ Escritu del Ayuntamientu d’Illas refugando la solicitú por tar en llingua asturiana.
23.07.2025⇒ Rempuesta énte l’Ayuntamientu d’Illas por refugar pitición d’información n’asturianu.
27.08.2025⇒ Escritu del Ayuntamientu d’Illas refugando les allegaciones la solicitú por tar en llingua asturiana.
15.09.2025⇒ Escritu dende’l Serviciu Conservación del Patrimoniu al rodiu denuncia obres na redolada.
01.10.2025⇒ Pitición d’accesu a información pública del espediente énte’l Conseyu Transparencia.
06.10.2025⇒ Escritu del Ayuntamientu d’Illas qu’archiven la pitición por tar n’asturianu.
15.10.2025⇒ Amosamos más documentación/información del horru énte’l Conseyu Transparencia.
10.11.2025⇒ Apúrrrenmos dende’l Conseyu Transparencia les allegaciones del Ayuntamientu d’Illas.
21.11.2025⇒ Retrucamos les allegaciones del Ayuntamientu d’Illas énte’l Conseyu Transparencia.
26.12.2025⇒ «Desestimen» dende’l Conseyu Transparencia la reclamación énte l’Ayuntamientu d’Illas por facela/presentala fora plazu.
30.09.2026⇒ Pitición d’accesu a información pública énte l’Ayuntamientu d’Illas.
Hai que destacar qu’esti horru cuntaba con un elementu mui particular: una puerta tallada del sieglu XVI.
¡¡Munches gracies alcalde!!
