horru.Carreño/14-018
L’horru pa EL Cantu, en Llorgozana.
Diendo pola autopista A-8 dende Avilés escontra Uviéu/Xixón, vamos salir na salida 397 ya garramos escontra la carretera AS-110 (Candás-Lluanco); en llegando a la rotonda de Tabaza, garramos la tercer salida pa la carretera AS-110. A los 500 metros ya a la mandrecha, vamos alcontrar un ramal pa garrar la carretera CE-2 que va escontra Perán. Siguimos 2 quilómetros ya namái aportar al pueblu de Castiello, a la manzorga, alcontramos un ramal pol que vamos siguir 300 metros fasta alcontrar otru ramal, a la mandrecha, pol que vamos metemos ya a los 400 metros vamos xirar pa la manzorga ya siguir poco más de 150 metros ya atopar, a la mandrecha ya tres d’una casa en mal estáu, esti horru esbarrumbando.
⇓ LLÍNEA de FECHOS ⇓
10.12.2025⇒ Comunicación del estáu del horru énte’l Serviciu Conservación del Patrimoniu.
10.12.2025⇒ Comunicación del estáu del horru énte l’Ayuntamientu Carreño.
19.12.2025⇒ Escritu dende’l Serviciu Conservación del Patrimoniu qu’abren espediente.
30.12.2025⇒ Pitición d’accesu a información pública del espediente énte’l Serviciu Conservación del Patrimoniu.
