horru.Illas/31-001
L’horru Fifi pa Peñocéu, en La Peral.
Foi con esti horru col que decidimos emprimar la xera (horru.online) de torgar l’esbarrumbe ya desaniciu d’estes edificiaciones, ayalgues del patrimoniu asturianu. Yera ochobre del añu 2021, cuando tando delantre l’horru, ya charrando con unos vecinos, entrugamos que cómo yera que taba asina. Ellos retrucaron que taba l’alcalde iguando la xera colos permisos ya demás temes burocráticos, pues quería desmontalu, remocicalu ya treslladalu pa La Caizuela. Sicasi, pasaba’l tiempu ya l’horru diba esbarrumbando pali que pali ya nun hebía noticies del Ayuntamientu, nin s’aseguraba, nin se perimetraba pa que nun cayera enriba de naide. Al final, l’horru esbarrumbó, el 04 de mayu del añu 2023, ya cuasi naide-y importó.
⇓ LLÍNIA de FECHOS ⇓
11.05.2023⇒ Denuncia énte l’Ayuntamientu d’Illas pol esbarrumbe.
18.05.2023⇒ Denuncia énte’l Serviciu Conservación de Patrimoniu pol esbarrumbe.
26.05.2023⇒ Escritu énte Ayuntamientu d’Illas pa que notifique la torga de construyir na parcela pol esbarrumbe del horru.
19.10.2023⇒ Solicitú énte l’Ayuntamientu d’Illas pa la retirada d’escombros ya l’acondicionamientu na redolada del horru.
11.06.2024⇒ Escritu énte l’Ayuntamientu d’Illas sobro la igua d’una casa dientro los 25 metros d’afeutación pol esbarrumbe de l’horru.
11.06.2024⇒ Escritu énte’l Serviciu Conservación del Patrimoniu pola igua d’una casa dientro los 25 metros d’afeutación pol esbarrumbe del horru.
10.09.2024⇒ Escritu del Ayuntamientu d’Illas refugando la solicitú por tar en llingua asturiana.
13.09.2024⇒ Rempuesta énte l’Ayuntamientu por refugar pitición d’información n’asturianu.
14.10.2024⇒ Escritu del Ayuntamientu d’Illas refugando les allegaciones la solicitú por tar en llingua asturiana.
15.10.2024⇒ Escritu dende’l Serviciu Patrimoniu qu’abren espediente.
17.10.2024⇒ Rempuesta a la solicitú d’accesu a información pública énte’l Servicu Conservación del Patrimoniu.
13.11.2024⇒ Escritu dende’l Serviciu Patrimoniu qu’abren espediente.
21.11.2024⇒ Nueva rempuesta a la solicitú d’accesu a información pública énte’l Servicu Conservación del Patrimoniu.
Hai que destacar qu’esti horru cuntaba con un elementu mui particular: una puerta tallada del sieglu XVI.¡¡Munches gracies alcalde!!
