horru.Illas/31-002
L’horru La Bodeguina pa La Torre, en La Peral.
Esti horru, a la vera la carretera AS-237, tien aquello… Viéndolo esbarrumbar, pali que pali, ya denguna alministración fizo nada. Amás, tien la particularidá de que cuntaba con pintures del sieglu XVI… Quiciaves ye l’espediente más grandono que tenemos nes manes de nueso, anque, como cuasi siempres, hai un espediente del Ayuntamientu d’Illas que nun mos quier apurrir por presentar la solicitú en llingua asturiana (sí, con un alcalde de los que «sofiten» l’asturianu). Masque tovía ta’l capador enriba la gocha.
⇓ LLÍNIA de FECHOS ⇓
20.02.2023⇒ Denuncia énte l’Ayuntamientu d’Illas pol esbarrumbe.
28.02.2023⇒ Solicitú d’información énte l’Ayuntamientu d’Illas.
15.05.2023⇒ Comunicación del estáu del horru énte’l Serviciu Conservación del Patrimoniu.
02.06.2023⇒ Escritu del Ayuntamientu d’Illas refugando la solicitú por tar en llingua asturiana.
05.10.2023⇒ Nueva denuncia pol estáu del horru énte l’Ayuntamientu d’Illas.
06.10.2023⇒ Nueva comunicación del estáu del horru énte’l Serviciu Conservación del Patrimoniu.
10.11.2023⇒ Solicitú énte l’Ayuntamientu d’Illas pa la retirada escombros del horru.
08.04.2024⇒ Nueva denuncia pol estáu del horru énte l’Ayuntamientu d’Illas.
22.08.2024⇒ Solicitú d’información énte’l Serviciu COnservación del Patrimoniu.
29.08.2024⇒ Nueva solicitú d’información énte l’Ayuntamientu d’Illas.
18.10.2024⇒ Escritu dende’l Serviciu Patrimoniu qu’abren espediente.
21.10.2024⇒ Rempuesta a la solicitú d’accesu a información pública énte’l Servicu Conservación del Patrimoniu.
21.10.2024⇒ Nuevu escritu del Ayuntamientu d’Illas refugando la solicitú por tar en llingua asturiana.
25.10.2024⇒ Rempuesta énte l’Ayuntamientu por refugar pitición d’información n’asturianu.
02.12.2024⇒ Escritu del Ayuntamientu d’Illas refugando les allegaciones la solicitú por tar en llingua asturiana.
27.12.2024⇒ Resolución de la concesión d’accesu d’información pública pol Serviciu Conservación del Patrimoniu.
27.12.2024⇒ Informe del procesu del espediente pol Serviciu Conservación del Patrimoniu.
