horru.Illas/31-005
Los cinco horros pa La Barrera.
Saliendo dende EL Bruzal, un pocoñín pa baxo de La Caizuela, escontra Taborneda, pola carretera AS-321, ya entamando xubir dempués d’una curva de cuasi 180º, metémosmos por un ramal a la manzorga ya atopamos esta llaceria a poco más d’ún kilómetru del Ayuntamientu d’Illas: son cinco masque podíen ser toos. Equí, como yera al entamu d’esti proyeutu, creyemos que nun lo ficimos bien, pues denunciamos tolos horros d’una vegada, ya que nun hebía referencies catastrales pa dengún. Poro, si nun avancen cola xera, tamos pensando en tornar denunciar ún por ún.
⇓ LLÍNIA de FECHOS ⇓
05.03.2024⇒ Comunicación del estáu los horros énte’l Serviciu Conservación del Patrimoniu.
09.05.2024⇒ El Serviciu Conservación de Patrimoniu entruga al Ayuntamientu d’Illas polos horros.
04.07.2024⇒ Comunicación del estáu los horros énte l’Ayuntamientu d’Illas.
30.07.2024⇒ Escritu del Ayuntamientu d’Illas refugando la solicitú por tar en llingua asturiana.
23.10.2024⇒ Escritu dende’l Serviciu Patrimoniu qu’abren espediente.
25.10.2024⇒ Pitición d’accesu a información pública del espediente énte’l Serviciu Patrimoniu.
13.01.2025⇒ Resolución la concesión pitición d’accesu información pública dende’l Serviciu del Patrimoniu.
13.01.2025⇒ Informe dende’l Serviciu Conservación del Patrimoniu.
29.01.2025⇒ Nuevu escritu del Ayuntamientu d’Illas refugando la solicitú por tar en llingua asturiana.
