panera.Uviéu/72-009
La panera 01 pa Pozobal, en Siones.
Saliendo d’Uviéu, pola carretera N-634, ya diendo escontra Grau, ya en pasando per baxo l’autopista A-63, vamos alcontrar una rotonda ya dempués hai que salise escontra Les Caldes (pola carretera AS-322); ellí vamos aportar dempués de 2 quilómetros. Salimos de Les Caldes, pola carretera AS-322, ya dempués de 900 metros vamos alcontrar otra rotonda onde tenemos que garrar la salida pa la carretera OV-1 escontra Siones. Siguimos pola carretera OV-1 dos quilómetros ya ochocientos metros p’aportar a Pozobal; ellí, a la entrada del pueblu, hai que garrar un ramal a la manzorga que métese pa baxo. A 100 metros, a la manzorga, vamos atopar esta panera qu’emprima esbarrumbar.
⇓ LLÍNEA de FECHOS ⇓
30.12.2025⇒ Comunicación del estáu la panera énte’l Serviciu Conservación del Patrimoniu.
30.12.2025⇒ Comunicación del estáu la panera énte l’Ayuntamientu d’Uviéu.
22.01.2026⇒ Escritu dende’l Serviciu Conservación del Patrimoniu qu’abren espediente.
23.01.2026⇒ Pitición d’accesu a información pública del espediente énte’l Serviciu Conservación del Patrimoniu.
